Salman ahmad naziri
ساحل پہ اب چراغ فروزاں ہوئے تو کیا
غرقاب ہم کو کر کے یہ ساماں ہوئے تو کیا
بے رنگ و بو ہے دامن اہل چمن ابھی
قطرے لہو کے صرف بہاراں ہوئے تو کیا
بے کار ہے بہار جو آئے نہ وقت پر
گر میرے بعد عیش کے ساماں ہوئے تو کیا
ہم بت کدہ میں رہ کے بھی ایماں پرست ہیں
واعظ حرم میں رہ کے مسلماں ہوئے تو کیا
گر لا علاج ہو گیا درد دل فگار
پھر چارہ ساز مائل درماں ہوئے تو کیا
ماتھے پہ تو کلنک کا ٹیکہ ہے آج تک
ہم کو مٹا کے لوگ نمایاں ہوئے تو کیا
خوابیدہ اب بھی نظریں ہیں بے حس ہے اب بھی دل
نا آشنائے سوز غزل خواں ہوئے تو کیا ۓ
دامن سے خون دل کو بنانا تھا رشک گل
منت کش بہار گلستاں ہوۓتو کیا
کشفى مٹا سکے نہ مگر ظلمت نصیب
آنسو ہمارے زینت مژگاں ہوۓ تو کیا
از قلم سلمان احمد نزیری
Fiza Tanvi
18-Oct-2021 10:22 AM
Good
Reply
Dr. SAGHEER AHMAD SIDDIQUI
17-Oct-2021 11:56 AM
Nice
Reply